عبدالسلام عبيد البليبل *
يُمّة.. جتنا جارتنا وگالت: البارح حلمت بعمّتكم (الله يرحمها) گاعدة تاكل كُبّة. .وهاللحمة والصنوبر والجوز.. شغلة! وهاللحم بعجين شكلين.. دبس رمان وخضرة.. مسكينة ماتت وهيّا مشتهيتهن.. ظَلَّن بنفسها.
يُوم.. جارتنا تقول ما تسوون غدا على روح عمتكم؟
أمّي: روحي بساع وگولي لأبوچ.. خالة مزنة حلمت بعمتي جوعانة.. تا نسوّي غدا على روحها.
* * * * *
ثاني يوم جَتنا بنت عم أبويا وقالت: البارح.. اسكُتِن.. عَجَل ما شفت عمتكم بالمنام حاطّة هالحلويات.. وهالشعيبيات.. ومسكينة تدحّج عليهن وما تگدر تاكل منهن.. مو چان الدكتور مانعها منهن.
ما تسوون لعمتكم.. ما توزعون على روحها.. شبيچن؟
عجَل مي عمتچن؟!
أمي: اركضي على أبوچ گبل ما يطلع.. واحجيلو عالحلم.. وخلّوا يجيب حلو تا نوزّع عالحارة.. عجل تظل عمتچ مشتهية عالحلو واحنا ساكتين؟
* * * * *
ثالث يوم جتنا جارتنا الثانية ومن شافها أبوي.. لف الخاچيّة وراح.. گال إنّو مسافر ما يرجع لأسبوع.
سأَلت جارتنا: ما حلمتي بعمتي؟
قالت: إلا شلون.. كل هالليل آني وياها نتعلّل.. بس شيفيد الحجي.. أشوفج تگولين أبوج مسافر!
الله يرحمها.. وصتني بالحلم تا توزعولها وُصَل كودَري.. من الثجيل.. مو حيا الله.. وگالتلي أخذي وصلة حمرة مزهّرة بوردة ناعمة.. عود من توزعون احسبي حسابي آني وبنتي..
شعدكم غدا اليوم... أشوفكم گاعدين؟!
سأَلت جارتنا: ما حلمتي بعمتي؟
قالت: إلا شلون.. كل هالليل آني وياها نتعلّل.. بس شيفيد الحجي.. أشوفج تگولين أبوج مسافر!
الله يرحمها.. وصتني بالحلم تا توزعولها وُصَل كودَري.. من الثجيل.. مو حيا الله.. وگالتلي أخذي وصلة حمرة مزهّرة بوردة ناعمة.. عود من توزعون احسبي حسابي آني وبنتي..
شعدكم غدا اليوم... أشوفكم گاعدين؟!
- إي خالة.. اليوم محَّد حلمان.. وما سوينا غدا!
- عَجَل خاطركم.. أشوف حالي تعبانة بحيل.
- عَجَل خاطركم.. أشوف حالي تعبانة بحيل.
* خطاط وفنان تشكيلي سوري، يرجى الضغط هنا لزيارة صفحته على فيسبوك
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.